कृषकद्धारा प्रविधिमैत्रि कृषि अवलोकन

आरसी टाइम्स व्युरो
पोखरा, असोज १५
व्यवासयिक कृषिका माध्यमबाट समृद्धिको योजना बनाइ सुपरजोन कृषि परियोजनामा जोडिएका कृषकहरुले प्रविधिमैत्रि कृषि अवलोकन गर्दै कामकाम आधारमा सीप सिक्ने प्रयास थालेका छन  ।
प्रधानमन्त्री कृषि आधुनिकीकरण परियोजनाको कार्यान्वयन एकाइ कास्कीको आयोजनामा कास्की जिल्लाका विभिन्न पालिकामा संरक्षित संरचना भित्र तरकारी खेती गर्ने कृषकहरूलाई समेटेर उन्नत प्रविधिमैत्री फर्ममा सिकाइ अवलोकन गराउन यहि असोज १० र ११ गते माडी अर्गानिक कृषि फर्म तथा अनुसन्धान केन्द्र माडी चितवनमा अध्ययन भ्रमण गराइएको छ  । अवलोकनमा किसान ,प्राविधिक तथा आयोजक सहित ३० जनाको सहभागिता रहेको जनाइएको छ  । भ्रमणका क्रममा ग्रीन हाउसमा लगाउने बालीहरू, खासगरी काक्रो ,भेडेखुर्सानी ,गोलभेडा लगायतका बालीका बारेमा खाध्य तत्व व्यवस्थापनका जुक्ति, प्राङ्गगारिक मल बनाउने तरिका , थोपा सिंचाई प्रविधी किसिम र फाइदा , संरक्षित संरचनामा बाली उत्पादन गर्ने प्रविधि, बालीहरुले खाध्य तत्व पाउने स्रोतहरूका बारेमा स्थलगत अवलोकन बाट शिक्षा लिएका छन  । अवलोकनका अवसरमा बाली पात्रो निर्माण र पालना, जलबायु परिवर्तनको प्रभाव र अनुकुलनका जुक्ति, थोपा सिंचाइकामाध्यमबाट मलजल तरिका र मल मात्राको व्यवस्थापनका बारेमा पनि व्यवसायिक किसानहरुसँग अन्तरक्रिया गरेर अनुभव साटासाट गरेका छन  ।