रामप्रसाद श्रेष्ठ, तनहुँ,
कृषि उपज उत्पादन गरिरहेका किसानहरलाई बजारसँग जोडन र व्यवसायिक उत्पादनमा प्रेरित गर्न तनहुँ घिरिङ्गको पुट्टारमा कृषि उपज संकलन केन्द्र सूरु गर्नका लागि किसानहरुलाई अभिमुखीकरण गरिएको छ । सन २०२१ देखि २४ सम्मका लागि लक्षित गरिएको नेपाली ग्रामिण समुदायका लागि सशक्तिकरण परियोजना (इआरसिएन) ले तनहुँ जिल्लाको घिरिङ गाउँ पालिका वडा नं १ को पुट्टार,बैतडी,भन्टार,अत्रौली,जगौली बन्टारमा कृषि उपज संकलन केन्द्र निर्माणका लागि किसानहरुलाई अभिमुखकिरण गरेको छ । कोरीयाली अन्तराष्ट्रिय गैरसरकारी संस्था ‘इआरसिएन’ ले २५ वटा कृषक समूह को ५८५ कृषकहरुलाई प्रत्यक्ष संलग्न गर्दै किसानलाई अभिमुख गर्दै आएको छ । परियोजनामा कृषक समूह २५ वटा २ वटा सहकारी , उर्भरा कृषि सहकारी र कालीगण्डकी कृषि सहकारी सहभागी भएका छन् ।
किसान समुह र सहकारी प्रतिनिधिहरुलाई हालै नेतृत्व विकास तालिम ,क्षमता विकास तालिम, वित्तीय क्षमता अभिबृद्धि तालिम, सहकारी ब्यावस्थापन तालिम, सहकारी लेखा ब्यवस्थापन तालिम उपलब्ध गराइएको छ ।
परियोजनाले पालिकाका माध्यमिक विद्यालयहरुमा बाल क्लब गठन गरी नैतिक क्षमता विकास तालिम, नेतृत्व विकास तालिम, सुरक्षित महिनावारी व्यवस्थापन तालिम पनि संचालन गर्दै आएको छ । परियोजनाको लक्षित समुदायको सक्रियतमा १ करोड ३० लाख लगानीमा कृषि उपज संकलन केन्द्रको निर्माण भई छिट्टै संन्चालनमा आउने जनाइएको छ ।
कोईका इआरसिएन परियोजना र स्थानीय सहमति संस्थाको सहयोगमा घिरिङ गाउँपालिका वडा नं १ मा कृषि, पशुपालन, स्वास्थ्य र आय आर्जनका क्रियाकलापमा संलग्न किसानहरुको उद्यम अनुगमन गरिएको छ । घिरिङ गाउपालिका वडा नं १ को बस्तीहरुमा २५ वटा कृषक समूह गठन गरी तरकारी तथा मासु उत्पादन, दलहन बाली उत्पादनमा सहजीकरण गर्दै आएको परियोजनाले उद्यम अनुगमन गरेको हो । कृषि सहकारी तथा कृषक समूहको माध्यमबाट बोयर जातका ब्याडे बोका ५० प्रतिशत मल्यमा, बाख्रा खोर सुधार, परम्परागत ब्यावसाय प्रोत्साहनमा आरन सामाग्री वितरण लगायतका उद्यममा लगानी गरिएको थियो ।
कोईका एकीकृत स्वास्थ्य तथा आय बृद्धि कार्यक्रम मार्फत नेपालका ग्रामीण समुदायको सशक्तीकरण परियोजनाले स्वास्थ्यमा मधुमेह, रक्तचाप जांचको लागि स्वास्थ्य स्वयं सेविका परिचालन गरी घर घरमा सेवा दिने ब्यवस्था मिलाएको छ ।
परियोजनाले कृषि उपज संकलन केन्द्र निर्माण गरि कृषकहरुको उत्पादन खरिद बिक्रीको ब्यवस्था मिलाउनका लागि निकट भविष्यमा ढुवानीको लागि गाडी सेवा पनि शुरु गरिने जनाएको छ ।
अनुगमनमा घिरिङ गाउँपालिका अध्यक्ष होम बहादुर थापा , उपाध्यक्ष राधादेवी अधिकारी, वडा अध्यक्ष रवि चन्द्र घोरासिनी, सहमति संस्थाका महासचिव बेल प्रसाद पौडेल, कार्यक्रम संयोजक दिपक रानाभाट,फिल्ड संयोजक कृषि प्राविधिकहरु, सहकारी प्रतिनिधी ,कृषक र पत्रकारहरु सहभागी थिए । अनुगमन पछि समिक्षा गर्दै पालिका अध्यक्ष थापाले सरकारी निकायले कृषकको साथमा हातेमालो गर्ने बताउँदै किसानहरुलाइ उत्साहका साथ कर्म गर्न आग्रह गरे । सहमति संस्थाका महासचिव बेल प्रसाद पौडेलले कार्यक्रम अवधिभर आय आर्जनमा जोड दिने र परियोजना पश्चात आफु आफैमा आत्मनिर्भर रहि ब्यावसायिक बन्न कृषकहरुलाई आग्रह गर्दै स्थानीय सरकारलाई सहयोगी पात्र बनीदिन अनुरोध गरे ।