आरसी टाइम्स व्युरो
पोखरा,
पोखराको पर्यटकीय उपभोक्ता बजारमा च्याउको बजार सम्भावना उच्च हुँदै गएपछि तुलनात्मक बजार लाभ लिनका लागि स्थानीय काहुँका कृषि उद्यमीले डल्ले च्याउको खेति सूरु गरेका छन् ।स्थानीय उद्यमी ध्रुव बहादुर थापाले सिस्नेरी एग्रो फार्म मार्फत वातानुकुलित नियन्त्रीत घर बनाएर डल्ले च्याउको खेति सूरुगरेका हुन् ।चिनिया प्रविधिको नियन्त्रीत तापक्रममा उत्पादन गर्ने डल्ले च्याउँ पोखरा बजारमा तुलनात्मक रुपमा बढी मूल्य पाउँने सुनिस्चीत गरिउको महानगर कृषि शाखाले जनाएको छ । महानगरले न्युनतम बजार मुल्य रु २६० प्रति केजी तय गरेर उद्यम निरन्तरतामा सहयोग गरेको जनाएको छ ।
काहु सिस्नेरी कृषि फर्मले वातावरण नियंत्रित संरचना भित्र १४०० बलमा डल्ले च्याउ खेति गरेका छन् ।डल्ले च्याउलाई उपभोक्ता बजारमा बटन च्याउँ र गोब्रे च्याउ पनि भनिन्छ ।
उद्यमी थापाले ५,७ रोपनी नया क्षेत्रमा कन्य च्याउ खेति पनि गर्दै आएका छन् ।उक्त फार्ममा १० जनालाई रोजगारी पनि सृजना भएको छ ।
पोखराको शहरी उपभोक्ता बजारमा कन्ये च्याउमा आत्मनिर्भर भएपनी बढी मुल्यमा डल्ले च्याउ अन्यत्रबाट आयात गर्नुपरेको कारण स्थानीय रुपमा उत्पादन गर्ने र बजारमा पहुँच स्थापीत गर्न थापाले उच्च मुल्यको च्याउँ उत्पादनमा लगानी गरेको बताएका छन् ।
बजारमा ताजा नविकेको च्याँउबाट सुकुटी बनाएर पनि लाभ लिन सकिने सम्भावना देखाउँदै च्याउको गुणस्तरीय सुकुटीको बिक्री बितरणमा सहजीकरण गर्न सरकारी सहजिकरणको अपेक्षा गरेका छन् ।
फार्मले यो वर्षमा मात्रै ३ हजार किलो डल्ले च्याउँ उत्पादन गरिसकेको जनाएको छ ।
डल्ले च्याउ आयात रोक्ने रैथाने जुक्ति
