गण्डकी प्रदेश सरकार मतहतका कृषि विकासका एजेन्सी कार्यालयहरुले गतवर्षका कृषि विकास क्रियाकलापहरुको समिक्षा सुरु गरेका छन् । प्रादेशिक कृषि विकास निर्देशनालय पोखरामा सूरु भएको समिक्षामा प्रदेशका कृषिज्ञान केन्द्र, कृषि अनुसन्धान केन्द्र, श्रोत केन्द्र, परियोजना, प्रयोगशाला र साझेदारहरुको वार्षिक लगानी र उपलब्धीका बारेमा समिक्षा प्रारम्भ गरिएको कृषि निर्देशनालय प्रमुख वासुदेव रेग्मीले जनाएका छन् । प्रादेशिक कृषि मन्त्री चन्द्रबहादुर बुढा, प्रादेशिक कृषि सचिव हरिबहादुर केसी, प्रादेशिक नीति तथा योजना आयोगका सदस्य माया तिमिल्सिना र प्रादेशिक पशुपंक्षी तथा मत्स्य विकास निर्देशक मनबहादुर पुनको रोबरमा गत आइतबार कृषि निर्देशनालय र ज्ञान केन्द्र तथा प्रयोगशालाहरुको वार्षिक प्रगतिकाबारेमा समिक्षा थालिएको छ ।
कतिपय किसानले विलभरपाइ भन्दा बास्तविक प्रगती कम गरेको कुरा अनुगमनका पाइएकाले भुक्तानीका लागि विल भरपाइ मात्रको भर नपरि स्थलगत अनुगमन गरिएको,
साना सिंचाइमा वडाध्यक्षले समेत काम नभएका ठाउँमा पनि भुत्तलानी सिफारिस गरेको पाइएको पनि समिक्षामा चर्चा
कर्मचारीको खाँचो पुरा गर्न करार सेवाका कर्मचारीबाट काम चलाइएको बताउँदै कृषि निर्देशनालय प्रमुख रेग्मी प्रदेश लोकसेवा आयोगले स्थानीय दरवन्दी मिलान र पदपुर्ति गर्ने काममा सक्रियता गर्नु पर्ने खाँचो रहेको र लामो समय करार सेवामा कर्मचारी परिचालन गर्दा राज्य र जनशक्ति दुवैका लागि समस्या बढन जाने तर्फ संकेत गरेका छन् । प्रदेशका कृषि कार्यालय मध्ये बीउबीजन प्रयोगशाला पोखराले शत प्रतिसत प्रगती हासील गरेको र जिल्ला स्तरीय कार्यालयहरुका रुपमा क्रियाशील कृषि ज्ञान केन्द्रहरु मध्ये बाग्लुङ्गले ९७ प्रतिशत प्रगती गरेको पनि रेग्मीले जनाए । जिल्लागत रुपमा मनाङ्ग र गोर्खाले अपेक्षित प्रगती देखाउन नसकेको पनि रेग्मीले बताए ।
कृषि अनुदानका क्रियाकलापहरुमा कोल्ड रुमका रुपमा संचालन गरिएका परियोजनाहरु व्यवसायिक रुपमा संचालनको ध्येयले चलाएकाहरु सफल भएका र अरु असफल देखिएका , कृषि विमाको रकम अनुदान दिएपनि किसानहरु उत्साहित नभएका, कतिपय किसानले विलभरपाइ भन्दा बास्तविक प्रगती कम गरेको कुरा अनुगमनका पाइएकाले भुक्तानीका लागि विल भरपाइ मात्रको भर नपरि स्थलगत अनुगमन गरिएको, साना सिंचाइमा वडाध्यक्षले समेत काम नभएका ठाउँमा पनि भुत्तलानी सिफारिस गरेको पाइएको पनि समिक्षामा चर्चा गरिएको छ ।
समिक्षाका क्रममा ११ जिल्लाका कृषि ज्ञान केन्द्रका प्रमुखहरु, प्रदेशका सहकारी रजिष्ट्रार, साल्टट्रेडिङ्ग र कृषि सामाग्री कम्पनीका प्रमुखहरुले पनि कृषि विकास र बस्तु तथा सेवा प्रवाहमा गरिएका क्रियाकलापहरुको प्रगती पेश गरेका छन् ।
