पोखरा महनगरद्धारा बाख्रापालक कृषकलाई प्रोत्साहन स्वरुप अनुदान हस्तान्तरण गरेको छ । हालै पोखराको १३ नं वडाको आर्वा स्थीत मोहरपानीमा आयोजना गरिएको बाख्रा मेला प्रदर्शनी तथा कृषक सम्मान समारोहमा महानगरभरका १५ जना उत्कृष्ट बाख्रा पालक कृषकलाई प्रोत्साहन गरिएको छ भने मौजा हिल लाईभस्टक फार्म पोखरा २० का उद्यमी दुर्गा बहादुर गुरुङलाई बर्ष कृषक घोषणा गर्दै पुरस्कृत गरिएको छ ।
महानगर क्षेत्रमा वाख्रा पालन गर्ने १५ जना कृषकलाई २० लाख वरावरको अनुदान हस्तान्तरण गर्न मेयर धनराज आचार्य र वडा नं १३ का वडाध्यक्ष किरण बराल पनि सहभागी भएका थिए । आर्वा स्थित मिलिजुली बाख्रा पालन समुहका अध्यक्ष ऋषिराम पराजुलीको अध्यक्षता सम्पन्न कार्यक्रममा भेटेरिनरी अस्पताल तथा पशु सेवा विज्ञ केन्द्र कास्कीका प्रमुख शम्भुराज पाण्डे, कृषि विकास महाशाखाका प्रमुख मनहर कडरिया, बाख्रा पालन किसान समूह कास्कीका अध्यक्ष एवं वर्ष कृषक दुर्गा बहादुर गुरुङ, पशु सेवा शाखाका प्रमुख नवराज अधिकारी, नमुना प्राङ्गारिक कृषि सहकारी संस्थाका अध्यक्ष टेकनाथ बरालको रोहवरमा महानगरपालिकाले कृषकहरूका समूहलाई २० लाख बराबरको अनुदान वितरण गरेको जनाइएको छ ।
मेयरमैत्री बाख्रा पालन प्याकेज कार्यक्रम अन्तरगत ती समूहहरूलाई ५ लाखका दरले २० लाख बराबरको अनुदान वितरण गरिएको जनाइएको छ । अनुदान प्रोत्साहन प्राप्त गर्नेमा कृषक समुहमा मिलीजुली बाख्रा पालन कृषक समूह पोखरा १३ आर्वा, सराङकोट बाख्रा पालन समूह पोखरा १८, लगनशील बाख्रा पालन कृषक समूह पोखरा ३२ र बेगनास बाख्रा पालन समूह पोखरा ३१ रहेका छन् । । प्रत्येक समूहलाई ५ लाखका दरले अनुदान वितरण गरिएको हो । अनुदानले १०० बढी कृषकहरू लाभान्वित हुने बताइएको छ ।
सोही समारोहमा पोखरा महानगरपालिका भित्र रहेका १७ वटा उत्कृष्ट कृषि फार्महरूलाई पनि सम्मान गरिएको छ । सम्मानित कृषकका प्रत्येक फार्महरूमा १०० सय बढीको संख्यामा बाख्राहरू पालिएका छन् ।
बाख्रा मेला तथा प्रदर्शनीमा बाख्रा पालन तर्फ शङ्कर बराल, ऋषिराम बराल, रमा बराल र बद्री प्रसाद देवकोटा क्रमशः प्रथम, द्धितिय, तृतीय र सान्त्वना भए भने बोका पालन तर्फ ईश्वर बहादुर सिं, विष्णु बहादुर बराल, गीता बराल र कमल बराल प्रथम, द्धितिय, तृतीय र सान्त्वना हुन सफल भए ।
