आरसी टाइम्स
पोखरा, श्रावाण २६
रैथाने मशला बाली मरीचलाई सामुदायिक स्तरमा सहभागतिामुलक रुपमा उत्पादन विस्तार गर्न पोखरा–२८ माझठानामा मरिचका बिरुवा वितरण गरिएको छ ।
पोखरा महानगरपालिकाले २०० कृषकलाई २/२ वटा मरिचका बेर्ना निशुल्क वितरण गरेको छ । लेखनाथको स्याङ्गखुदीमा अमृतकुञ्ज संचालन गर्दै आएका कृषक सूर्यमोहन बास्तोलाले उत्पादन गर्दै आएको मरिचखेतिको विजबृद्धि गर्दै वडाका अन्य किसानहरुमा पनि खेति विस्तार गर्न महानगर पालिकाले सहजिकरण गरेको छ ।
मसलाको राजा मनिने मरिचलाई बाँदरले नखाने, असिनाले क्षति नहुने, रोग कम लाग्ने र स्वास्थ्यका लागि उपयोगी हुने भएकाले किसानहरुलाई मरिच खेतिमा अभिमुखकिरण गर्न पनि मरिच बिरुवा वितरण गरिएको महानगरका आर्थिक विकास महाशाखा प्रमुख मनहर कडरियाले बताए ।
वडा कृषि सञ्जाल–२८ को सहजीकरणमा किसानहरूलाई मरिच बिरुवा वितरण गर्न माग संकलनका आधारमा वितरण गरिएको वडाध्यक्ष श्रीकृष्ण लामिछानेले बताए ।
पोषण र स्वास्थ्यका लागि अत्यन्त उपयोगी मानिने तथा बजारमा उच्च माग भएको मसला वर्गको बाली मरिचलाई स्याङ्खुदी निवासी कृषक सूर्यमोहन बास्तोलाको पहलमा पोखरा क्षेत्रमा खेति विस्तार गरिएको हो । उनी मरिच खेतीका अभ्यासकर्ता र प्रशिक्षक समेत हुन् ।
