आरसी टाइम्स व्युरो
स्याङ्गजा, भाद्र २
कृषि विकासमा किसानहरुलाई वित्तिय र प्राविधिक सहजीकरण गर्दै आइरहेको मुक्तिनाथ कृषि कम्पनिले हालै स्यांङ्गजाको वालिङ्ग नगरपालिका स्थित वालिङ्ग प्रोडक्ट होल्डिङ्ग वहुउद्देश्यीय सहकारी सँस्थाको समन्वयमा सदस्य कृषकलाई कौसी खेती तालिम उपलब्ध गराएको छ । शहरी उपभोक्ताहरुका लागि खेतिको विकल्प कौशी र कम्पोष्ट मलको श्रोत भान्छाबाटै सम्भावना देखाउन शहरी कजारका उपभोक्ताहरुलाई लक्षित गर्दै तालिम दिइएको जनाइएको छ । कृषि कम्पनीको प्रदेश कार्यालय पोखराबाट यहि गत श्रावण २८ गते करिब ४५ जना व्यवसायिक कृषकहरुलाई तालिम उपलब्ध गराइएको छ ।
‘कृषक सँग मुक्तिनाथ’ अभियान अन्तर्गत व्यवसायिक कृषक पहिचान गर्न,उत्पादन बढाउन र कृषकहरुको मनोबल बृद्धि गर्ने अभिप्रायले कम्पनीमा आवद्ध सहकारीका शेयर सदस्य र कृषकलाई तालिम सन्चालन गरिएको जनाइएको छ । विशेष गरी तरकारी खेती,फलफुल खेतीमा प्रयोग हुने मल बनाउने तरिका,बेर्ना तयार गर्ने तरिका,लाग्ने किरा र रोकथामको लागी प्रयोग गरिने औषधीको बारेमा जानकारी गराइएको थियो । तालिम सहजिकरण मुक्तिनाथ कृषि कम्पनीका कृषि प्राविधिक विक्रम नेपाली र सागर भण्डारीले गरेका थिए ।
तलिममा सहभागी कृषकहरुले बाली समस्या र समाधानको उपाय बारे अन्तरक्रिया गरेका थिए । सहकारीको तर्फबाट अध्यक्ष याम वहादुर गुरुङ्गको अध्यक्षतामा भएको उक्त तालिममा गोलभेँडा खेती,धान खेती,सुन्तला खेतीको बारेमा समेत अन्तरक्रिया भएको थियो । उत्तल अवशरमा सहकारीले आफैँले गड्यौँले मल उत्पादन गरिरहेको र रैथाने बिउ सँरक्षणको लागी कार्य गरिरहेको तथा आगामी दिनमा सँगठित कृषि सँस्थासँग सहकार्य गरेर उत्पादन र बजारीकरणको लागी कार्य योजना बनाएको जानकारी दिइएको थियो
कृषिलाई मर्यादित र प्रतिस्पर्धात्मक पेशा बनाई युवाहरुलाई कृषिमा आकर्षण गर्ने उद्देश्य सहित स्थापना भएको मुक्तिनाथ कृषि कम्पनीले यस प्रकारका विषयगत तालिमहरु गण्डकी प्रदेशका अन्य स्थानहरुमा पनि सन्चालन गर्ने कम्पनीका गण्डकी प्रदेश प्रमुख नगेन्द्र राज पौडेलले जानकारी दिएका छन् ।
विशेष गरी कृषिको मुल्य श्रृँखला व्यवस्थापनमा कार्य गरिरहेको कम्पनीले कृषि क्षेत्रको सम्भावनालाई उपयोग गर्न आधुनिक प्रविधिको प्रयोग,बजार पहुँचमा सुधार र वित्तिय प्रणालीको सुधारको लागी कार्य गरिरहेको पौडेलले बताए । यस अभियान अन्तर्गत अन्य जिल्लाहरुमा पनि कृषक सुसुचित गराउने,अभिमुखीकरण गर्ने र बाली उपचार शिविर सन्चालन गर्ने तथा सहकारीलाई कृषि श्रोत केन्द्रको रुपमा विकास गर्ने योजना रहेको जनाइएको छ ।
