सुन्तला बोटलाई छाता

आरसी टाइम्स व्युरो
पोखरा, चैत्र,४
वर्षेनी असीना पानीले सताउने सुन्तला किसानहरुले सुन्तलालाई छाता ओडाएर असिनाबाट जेगाउन पहल थालेका छन्  । प्राय चैत्रदेखि जेष्ठ महिनासम्म हावा हुरी र असिना पानी बढी आएर सुन्तला काइनो पलाउन र फुल्ने बेलामा क्षती पार्ने अवस्था भोगेका किसानहरुले सुन्तलालाार्इृ छाता ओडाउन पहल थालेका हुन्  । किसानलाई पोखरा महानगर कृषि शाखाले साथ दिएको छ  ।
महानगर कृषि शाखाले करिव १० लाख बराबरको बजेट विनियोजन गरेर किसानलाई ७० प्रतिशत अनुदान दिने नीति अगाडी सारेको शाखाका सूचना अधिकारी सुरोज चिलुवालले जनाएका छन्  । चिलुवालका अनुसार पोखरा २१ का ८ वटा कृषि फर्म, कृषक समूह र सहकारी मिलेर ५१ रोल असिना छेक्ने जाली लगेका छन्  ।
लक्ष्मी मल्ल ठकुरी, प्रकाश पौडेल( प्रभा प्रतिक फर्म) , देवीदेउराली कृषक समूहका डिल्लीराज लामिछाने, छिनेडाडा पशुपालन तथा सहकारीका उमानाथ सुवेदी, अम्बिका सुवेदी कोइराला, फेदी पाटन फलफुल उत्पादक समुहका प्रकाश पौडेल, माझपाटन कृषि उत्पादक समूहका बेदनाथ पराजुली, पोख्रेलथोक कृषक समूहका नेत्र प्रसाद पोखरेलले यो कार्यक्रमको अगुवाई गरेका छन्  ।
समुहका सदस्य किसानहरुको सुन्तला बगैचामा छाता ओढाउने गरि नगरपालिकासँग सझौता गरिउको छ  । संझौता अनुसार ५१ रोल असिना छेक्ने जाली नगरपालिकाले दिएको जनाइएको छ  । एक रोल जालीले करिव ७—८ वटा सुन्तलाका बोटमा छाता ओढाउन सकिने अनुमान गरिए अनुसार यो नमुना प्रयोगबाट ४०८ सुन्तलाबोटमा छाता ओढाउने अपेक्षा गरिएको छ ।
सुन्तला खेतिमा नमुनाको वडा बनेको पोखरा २१मा यो सुन्तला छाता कार्यक्रमले कस्तो प्रभाव पार्ने छ र उत्पादकत्व कस्तो हुने छ भन्ने बारेमा आगामी वर्षको सुन्तला बजारिकरण गर्ने मंसिर सम्ममा प्रभावको आँकलन गर्न सकिने महानगर आर्थिक महाशाखा प्रमुख मनहर कडरीयाले जनाएका छन्  ।