सून्तला बगैचा सुधारका लागि पहल

आरसी टाइम्स व्युरो
पोखरा, फाल्गुण १२
विश्व खाद्य संगठन—नेपालको सहयोगमा उच्च बजार मुल्यका सुन्तलाको उत्पादकत्व बढाउन स्थानीय किसानहरुलाई सुन्तला बगैंचा व्यवस्थापन तालिम मार्फत सहजिकरण गर्न थालीएको छ  । सुन्तला खेतिका लागि असल अभ्यास सम्बन्धमा स्थलगत तालिम उपलब्ध गराइएको छ  । पोखराको सुन्तला पकेट क्षेत्रका रपमा पहिचान बनाएको २१ वडा स्थीति कृस्ती गाउँमा स्थानीय सुन्तला किसानहरुलाई सामुहिकरुपमा एकै दिनमा एकै थलोमा प्रबिधीहरुबारे सिकाइ हस्तान्तरण गरिएको छ  ।
सिकाइका क्रममा किसानहरुलाई जैविक मलको तयारी तथा प्रयोग सम्बन्धी स्थलगत काइदाका बारेमा सिकाइएको छ  । यसैगरि सुन्तला बगैंचा सरसफाइ, काँटछाँट तथा मल प्रयोग विधिपनि सिकाइएको छ  । किसानहरले सुकेका झिंगटा पोलेर बनाउन सकिने अँगारे मल बायोचार निर्माण तथा प्रयोग गर्न पनि सिकाइएको छ  ।
पोखरा महानगर कृषि शाखाको समन्वयमा भएको तालिमे सत्रमा किसानहरुले बोर्डो पेस्ट तथा मिश्रण तयारी तथा प्रयोग गर्न सिकेका छन् भने सुन्तलाको फेदमा गोडमेल, मल व्यवस्थापन र छापोको प्रयोग गर्न समेत सिकेका छन्  । दिगो र असल कृषि अभ्यासमा आत्मसात गरिएको रासायनिक विषादी रहित खेति प्रयासका लागि जैविक वनस्पनि मिश्रणबाट बनाइने झोल विषादी निर्माण विधि समेत किसानलाई सिकाइएको छ  । गत वर्ष देखि नै स्थानीय सुन्तलामा देखिएको विरुवाको पातहरू ग्रिनिङ रोग परीक्षण परीक्षणको लागि स्याम्पल संकलन समेत गरिएको छ भने माटोमा खाध्यतत्व अवस्था परीक्षणको लागि नमुना पनि संकलन गरिएको छ  ।
सुन्तला खेतिबाट नगदी आर्जन गरेका कृस्तिका किसानहरु सुन्तलाको उच्च उत्पादन लिनका लागि बगैचा व्यवस्थापनका लागि स्थानीय सरकारसँग सहकार्य गर्दै नियमित रोग मुक्त बगैचा निर्माण अभियानमा जुटिरहेका छन्  ।