‘घरपालुवासँगै वन्यजन्तुको एकिकृत स्वास्थ्यसेवा खाँचो’

आरसी टाइम्स व्युरो
पोखरा, बैशाख १८
विश्व भेटेरिनरी दिवसको सन्दर्भ पारेर पोखरा आसपासमा क्रियाशील पश स्वास्थ्य क्षेत्रमा क्रियाशिल जनशक्तिले प्राविधिक सम्वाद गर्दै घरपालुवा पशुधनसँगै वन्यजन्तुको पनि एकिकृत स्वास्थ्यसेवा सीपको खाँचो औल्याएका छन् ।
नेपाल भेटेरिनरी एशोसियसन गण्डकी प्रदेशले आयोजना गरेको सम्बादका क्रममा पोखरा जुलोजिकल पार्क वन्यजन्तु उद्धार केन्द्रको अवलोकन गरेका छन् । भेटेरिनरी दिवसको अवसर पारी भेटेरिनरीयनहरुको पशु चिकित्सा पेशामा विविधता, समानता र समावेशीताको प्रवद्र्धनका सबालमा सम्बाद गरिएको नेपाल भेटेरिनरी एशोसियसन गण्डकी प्रदेशका अध्यक्ष राजेश चौधरीले जनाएका छन् ।
सो अवसरमा सम्बोधन गर्दै पशु सेवा विभागका उप महानिर्देशक प्रेरणा सेढाइ भट्टराइले भेटेरिनरीमा आवद्ध चिकित्सिकहरुले पेशागत रुपमा विविध क्षेत्रमा काम गर्दै आइरहदा भेटेरिनरी दिवस २०२३ को अवसर पारी बन्यजन्तुको क्षेत्रलाई समेत समेटेर अगाडी लैजान खोजेकोमा धन्यवाद ब्यक्त गरेकी छिन् ।

प्रायजसो घरपालुवा जनवारको क्षेत्रमा काम गर्दै आइरहेको चिकित्सकहरुले बन्यजन्तुको क्षेत्रमा समेत चासो राख्न खोज्दा उनीहरुको व्यवसायिक क्षमता अभिवृद्धिमा समेत सहयोग पुग्ने वताउदै भट्टराइले पोखरामा निर्माणाधिन जुलोजिकल पार्कको प्रवद्र्धनमा समेत कार्यक्रमले टेवा पु¥याउने विश्वास रहेको बताइन् ।
पोखरामा निर्माणाधिन जुलोजिकल पार्कमा आएर नेपाल भेटेरिनरी एशोसियसन गण्डकी प्रदेशले अवलोकन संगै सम्बाद कार्यक्रम गरेर यहाँ रहेका जीवजन्तुको बारेमा जानकारी लिएको पोखरा जुलोजिकल पार्कका भेटेरिनरी अफिसर किशोर आचार्यले जनाए ।
गण्डकी प्रदेशमा घाइते अवस्थामा फेला परेका बन्यजन्तुलाई उद्धार गरी राखिएको पोखरा जुलोजिकल पार्कलाई लक्षित गरी एशोसियसनले प्रदान गरेको औषधीजन्य सामाग्रीले त्यहां रहेका घाइते बन्यजन्तुलाई राहत पुग्ने भेटेरिनरी अफिसर किशोर आचार्यले जनाए ।

पोखरामा रहेको युनाइटेड क्लबको पहलमा २०७२ सालमा सिलान्यास भइ सुरु भएको जुलोजिकल पार्कमा हाल २२ प्रजातिका बन्यजन्तु रहेको वताउदै आचार्यले उद्धार गरी ल्याइएका बन्यजन्तुलाई उपचार पछि खुल्ला बासस्थानमा छोडिने गरेको वताए ।
घरपालुवा जनावारको मात्र नभइ बन्यजन्तुको संरक्षणमा समेत भेटेरिनरीयनहरु लाग्नुपर्ने आवश्यकता रहेको अन्नपूर्ण संरक्षण क्षेत्र परियोजनामा कार्यरत भेटेरिनरीयन सुरेश नेपालीले जोड दिए । घरपालुवा भन्दापनि पछिल्लो समय मानिस र जंगली जनावर बीच द्धन्द्ध बढेका कारण बन्यजन्तुहरु घाइते अवस्थामा भेटिने क्रम वढ्दो रुपमा रहेको वताउदै नेपालीले त्यसतर्फ सम्पूर्ण भेटेरिनरीयनहरु लागेको खण्डमा समयमानै वन्यजन्तुको उद्धार हुन सक्ने वताए ।

बन्यजन्तुकै माध्यामबाट घरपालुवा जनवारहरुमा विभिन्न सरुवा रोगहरु आउने भएकाले बन्यजन्तुको संक्रमणबाट घरपालुवा जनवारलाई जोगाउनुपर्ने उनको भनाइ रहेको थियो । भेटेरिनरीयन सम्बाद समारोहमा जुलोजिकल पार्कका भेटेरिनरी अफिसर किशोर आचार्यले बन्यजन्तु उद्धारको वेलामा प्रयोग गरिने डार्ट गनको प्रयोगको वारेमा प्रयोगात्मक प्रशिक्षण समेत प्रदान गरेका छन् ।