आरसी टाइम्स व्युरो
पोखरा,
गण्डकी प्रदेशका कृषि मन्त्रालय मातहतका सेवा प्रदायकहरुले अगिल्लो आर्थिक वर्षमा गरेका क्रियाकलाप र उपलब्धीका बारेमा सारोकारवालाहरुका बिचमा जवाफदेहि हुनका लागि सार्वजनिक सुनुवाइको अभ्यासको थालनी गरेका छन् । आर्थिक वर्षका क्रियाकलापहरु सकिएपछि उपलब्धी मापन र जवाफदेहिता प्रति उत्तरदायि बन्नका लागि तेश्रोपक्षबाट सार्वजनिक सुनुवाई गर्न थालिएको सम्बन्धीत कार्यालयहरुले जनाएका छन् ।
सार्वजनिक सुनुवाईका क्रममा पशुपंक्षी तथ मत्स्य विकास निर्देशनालय अन्तर्गतको नमुना भेटेरीनरी अस्पताल संचालन गर्न लागेको पशुसेवा विज्ञ केन्द्र कास्कीले वर्षान्तमा सार्वजनिक सूनुवाई आयोजना गर्यो । तेश्रोपक्षका रुपमा सहमत मिडियाका प्रकाश ढकालले सुनुवाइको सहजिकरण गरेको सुनुवाइमा विज्ञ केन्द्र प्रमुख शंभू पाण्डेले वार्षिक कृयाकलाप र उपलब्धी तथा चुनौतिका बारेमा तथ्यहरु सार्वजनिक गरेका थिए । पाण्डेले आफनो कार्यालयका सेवा टेवा बारेमा सरोकारवालाहरुमा कुनै सम्बन्धीत गुनासाहरु सवाल जवाफ गर्नका लागि सरोकारवालाहरुलाई आव्हान गरेका थिए ।
यसैगरि कृषि विकास निर्देशनालयले पनि वर्षान्तमा सार्वजनिक सुनुवाई गरेको छ । पोखरा टेलिभिजनका तर्फबाट घनश्याम पाण्डेले तेश्रो पक्षको भूमिकामा सुनुवाइको सहजिकरण गरेका थिए । कृषि विकास निर्देशनालय मातहतका वार्षिक क्रियाकलापहरुका बारेमा सरोकारवालाको गुनासो र सम्बोधनको अभ्यास गरेर कृषि विकासका सेवा टेवामा सुशासन अभ्यास बढाउन खोजीएको कृषि विकास महानिर्देशक बासुदेव रेग्मीले दावी गरेका छन् ।
नमुना भेटेरीनरी तथा स्मार्ट पशुसेवा विज्ञ केन्द्रका रुपमा कार्यालयलाई अझ प्रभावकारी रुपमा सन्चालन गर्ने हो भने अझै केही सक्रियता गर्न र सेवा कौशलता विस्तार गर्न सरोकारवालाहरुले सुझाएका छन् ।
जिल्लागत रुपमा पशु पन्जिकरण सेवा टेवा सुचिकरण र मासिक प्रोफाइल रिपोर्टिङ गर्नु पर्ने, यस्ता रिपोर्टहरुमा चिकित्सकिय सेवा, प्राविधिक सेवा, चरन खर्क सेवा ,खोप सेवा , प्रयोगशाला सेवा, रोग र किटजन्य प्रभावित पसु पन्छी मासिक प्रोफाइल चार्ट जारी गर्न विज्ञकेन्द्रले आफनो हैसीयत निर्माण गर्न सक्छ कि नाइ ? भनेर सरोकारवालाले सबाल उठाएका छन् ।
जिल्लाका दक्ष र प्राविधिक जनशक्तिको कार्यबोझ व्यवस्थापन विश्लेषण गर्नका लागि प्रति प्राविधिक केस ह्याण्डल अनुपात र कार्यबोझ विश्लेषणका आधारमा कर्मचारीको दण्ड, पुरस्कार र प्रोत्साहनको व्यवस्था गर्न प्रादेशिक शासकिय सुधारका नितिगत व्यवस्था गर्न प्रदेशका जिल्ला तथा निर्देशनालय तहका विज्ञहरुको योगदान र सक्रियता कस्तो भइरहेको छ भन्ने सबाल पनि सरोकारवालाहरुले उठाएका छन् ।
सार्वजनिक सुनुवाइका क्रममा उकै परिसरबाट दुइ खालका कामहरु गर्दै आएको जिल्ला पशुसेवा कार्यालयका माध्यमबाट जिल्लाका पालिकागत र नागरिक किसानगत सेवा टेवाको अवस्था र नमुना अस्पतालको सेवा टेवा गत अवस्थाका फरक फरक कार्यक्षमताको मुल्यांकन गर्न सकिने गरि परिक्षणका उपायहरु अपनाउन सरोकारवालाहरुले सुझाएका छन् । पशु स्वास्थ्य र रोग व्यवस्थापनका कुरा मानव स्वस्थ्य र समृद्धिसंग जोडिएका हुनाले जिल्लामा भैपरिआउने संक्रामक रोग र रोकथामका उपायहरूबारे सामाजिक सञ्जालबाट सुचित गर्ने प्रणालीको विकास गर्न किसानहरुले सुझाएका छन् ।
विगतका वर्षमा कार्यक्रमको सार्वजनिकीकरण गर्दै आएका कृषि सेवा प्रदायकहरुले अवदेशि तेश्रो पक्षको सहभागीतामा सामाजिक परिक्षण र सार्वजनिक सुनुवाइका अभ्यास अवलम्बन गर्न थालेकाले शासकीय सुधारका अभ्यासहरु देखिन थालेका छन् ।
