आरसी टाइम्स
पोखरा,मंसीर ४
मुक्तिनाथ कृषिद्वारा नेतृत्व र लेखा व्यवस्थापन प्रशिक्षण संचालन गरिएको छ । लघुवित्तका माध्यमबाट स्थानीय उद्यमशीलता विकासमा अगुवाइ गर्दै आएको मुक्तिनाथ विकासबैकले प्रवद्र्धन गरेको मुक्तिनाथ कृषि कम्पनीले प्रादेशिक सहकारीहरुलाई नेतृत्व र लेखा व्यवस्थापन सिप सिकाएको छ ।
कृषि अर्थतन्त्रलाई संस्थागत रुपमा विकास गरि उत्पादन देखि उपभोक्ता सम्म जोडदैे देशको कृषि अर्थतन्त्रलाई सवल बनाउने अवधारणामा संचालित मुक्तिनाथ कृषि कम्पनीद्वारा तथा मुक्तिनाथ विकास बैंकको सहकार्यमा गण्डकी प्रदेशका विभिन्न सहकारीहरूलाई तिन दिने नेतृत्व विकास तथा लेखा व्यवस्थापन प्रशिक्षक प्रशिक्षण तलिम संचालन गरेको जनाएको छ गत कार्तिक २० देखि २२ गते सम्म संचालन गरिएको प्रशिक्षणमा गण्डकी प्रदेशका १७ सहकारी संस्थाहरु मध्ये कास्कीबाट ७, स्याङ्गजाबाट ५, गोरखाबाट २, नवलपुरबाट १ र तनहुँबाट २ वटा गरी जम्मा ५२ जनाले प्रशिक्षण लिएको जनाइएको छ ।
प्रशिक्षणमा सहकारीको नेत्तृत्व र नैतिकता, संचार र संचार प्रणाली, लेखा व्यवस्थापन के र कसरी, सहकारीमा ४ खाता, प्रतिवेदन तथा रिर्पोट लेखन, लेखापरिक्षण , आन्तरिक लेखा सुपरिवेक्षण र कैफियत व्यवस्थापन बारे सहजीकरण गरिएको जनाइएको छ ।
सहकारीहरु कृषि श्रोत केन्द्र कसरी बन्न सक्दछन् , कृषि श्रोत केन्द्र बनिसकेपछि हुने फाइदाहरु, सहकारीहरु किन र कसरी उत्पादन र उत्पादकत्व वृद्धिसंग जोडिन सक्दछन् र जोडिनु आवश्यक छ भन्ने बारेमा सहजीकरण गरिएको जनाइएको छ । यसका साथै कृषिको अर्थतन्त्रलाई संस्थागत रुपमा वित्तिय लगानीको आवश्यकता, व्यवस्थापन र जोखिमभारको सन्तुलन कसरी र किन आवश्यक छ भन्ने बारेमा पनि सहजिकरण गरिएको जनाइएको छ ।
प्रशिक्षणमा संस्थागत ऋण कसरी प्रवाह गर्ने र किसान माझ कसरी पुर्याउने भन्ने बारेमा पनि सहजिकरण गरिएको छ । प्रशिक्षणका क्रममा कृषकसँग मुक्तिनाथ र उपभोक्तासँग मुक्तिनाथ अभियान मार्फत कृषि मूल्य श्रृङ्खलामा व्यवस्थापकीय भूमिका निर्वाह गर्न सहकारीमा आधारित कृषि श्रोत केन्द्रबाट कसरी कार्यहरु गर्दैछ, इन्टरनेटको पहुँचमा रहेका कृषकहरुका लागि मुक्तिनाथ कृषि एपका फाइदाहरु, इन्टरनेटको पहुँचमा नरहेका कृषकहरुको लागि पैसा नलाग्ने मुक्तिनाथ कल सेन्टरद्वारा प्रदान गरिने सेवाहरु र कृषिसम्बन्धि बस्तु तथा सेवाहरुलाई मुक्तिनाथ कृषिले कसरी काम गर्दै आइरहेको छ भन्ने बारेमा मुक्तिनाथ कृषि कम्पनीका गण्डकी प्रदेश प्रमुख भूमि राज भण्डारी सहजिकरण गरेका थिए ।
