आरसी टाइम्स व्युरो
पोखरा, चैत्र १६
पोखराको शान्तीवन क्षेत्रमा संचालनमा रहेको कृषि उपज थोक बजारमा रहेका विषादी अवशेष द्रूत विश्लेषण प्रयोगशालाको कार्यक्षेत्र विस्तार गरिने तयारी भएको जनाइएको छ । हालै पोखरा महानगरपालिकाका उपमेयरको अध्यक्षतामा सम्पन्न सञ्चालक समितिको बैठकले उपभोक्ता स्वास्थ्य र सुरक्षित बजार सुनिश्चित गर्न परिक्षणका कार्यक्षेत्र विस्तार गर्ने जनाइएको छ ।
प्रयोगशालाले थोक कृषि बजार बाहेक अन्य बजार र किसानको खेतबारीमा समेत नियमित परीक्षण गर्ने तयारी थालेको जनाइएको छ । कार्य क्षमता विस्तरका लागि अत्याधुनिक प्रयोगशाला स्थापना गर्न सरकारी समन्वयको खोजी गरिएको पनि जनाइएको छ । प्रयोगशालासँग मिलेर महानगरपालिकाले विषादी न्यूनीकरण अभियान सञ्चालन गर्ने तयारी भइरहेको पनि जनाइएको छ । यो पहलले गण्डकी प्रदेशमा दिगो कृषि र उपभोक्ता स्वास्थ्य सुरक्षालाई मजबुत बनाउने अपेक्षा गरिएको छ ।